پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
قوباد تاڵەبانی جێگری سەرۆكی حكومەتی هەرێم رایگەیاند: ڤیلی ڤارجولا، باڵیۆزی یەكێتی ئەوروپا لە عێراق، لە كاتی ناكۆكییە سیاسییەكاندا رۆڵێكی بەرچاوی هەبوو لە نزیككردنەوەی بۆچوونی لایەنەكان و چارەسەركردنی گرفتەكاندا.
رۆژی چوارشەممە 2_8_2023 لە هەولێر قوباد تاڵەبانی جێگری سەرۆكی حكومەتی هەرێم و ڤیلی ڤارجولا، باڵیۆزی یەكێتی ئەوروپا لە عێراق كۆبوونەوە بەبۆنەی كۆتایی هاتنی ئەركەكەی وەك باڵیۆزی یەكێتی ئەوروپا.
لە كۆبوونەوەكەدا باس لە دواپێشهاتەكان و دۆخی سیاسی عێراق و هەرێمی كوردستان كرا.
قوباد تاڵەبانی ستایشی هەوڵ و ماندووبوونەكانی ڤیلی ڤارجولا، باڵیۆزی یەكێتی ئەوروپای لە عێراق كرد لەپای پەرۆشی و هەوڵەكانی بۆ بەدیهێنانی ئاشتەوایی و ئارامی سیاسی لە عێراق و كوردستان.