پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
ئەمڕۆ شاندی یەکێتی و پارتی لەسەر ئاستی مەکتەبی سیاسی سلێمانی کۆدەبنەوە.
بڕیارە ئەمڕۆ کاتژمێر 11، شاندێکی پارتی بۆ کۆبوونەوە لەگەڵ مەکتەبی سیاسی یەکێتی نیشتیمانی کوردستان دێنە سلێمانی و گفتوگۆ لەسەر چەند پرسێک دەکەن.
بەپێی زانیارییەکان، شاندەکەی یەکێتی بافڵ تاڵەبانی سەرۆکایەتی دەکات و شاندی پارتیش بەسەرۆکایەتی فازڵ میرانی دەبێت.
بڕیارە لە کۆبوونەوەکەدا پەیوەندییەکانی هەردوولا و دۆخی کوردستان و پرسی هەڵبژاردنی پەرلەمانی کوردستان و هەڵبژاردنی ئەنجومەنی پارێزگاکانی عێراق تاوتوێ بکرێت.
ئەم کۆبوونەوەیە لە کاتێکدایە، کە کۆمسیۆنی باڵای هەڵبژاردنەکانی عێراق ئەمڕۆی وەک دوا وادە بۆ تۆمار کردنی ناوی لیست و قەوارە سیاسیەکان دیاری کردووە بۆ هەڵبژاردنی ئەنجومەنی پارێزگاکانی عێراق، تائێستاش کورد نەگەیشتووەتە ڕێککەوتن بۆ پێکهێنانی یەک لیست لە سنوری ناوچە دابڕێنراوەکان بەتایبەت لە کەرکوک.