داهاتی هەفتەیەكی سلێمانی و هەڵەبجە بڵاوكرایەوە

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

سایتی شەفافیەت بۆ چاودێری و رێكخستنی داهاتە نانەوتییەكانی سلێمانی و هەڵەبجەو هەردوو ئیدارەی راپەڕین و گەرمیان داهاتی یەك هەفتەی راگەیاندووە بەشێوەیەك، داهاتەكان بڕی 23 ملیار و 212 ملیۆن و 909 هەزار و 468 دینار بووە، لەو ژمارەیەش رێژەی لەسەدا 69ی بەشێوەی نەختینە بووە لەسەدا 12ی بەشێوەی چەك و رێژەی لەسەدا 19ی بەشێوەی مقاسە بووە.

بەگوێرەی سایتی شەفافیەت، داهاتەكانی پارێزگاكانی سلێمانی و هەڵەبجەو ئیدارەكانی گەرمیان و راپەریِن، نانەوتین و لە رێگەی شەش گەنجینە (گەنجینەی یەك، گەنجینەی دوو، گەنجینەكانی گەرمیان، راپەڕین، چەمچەماڵ و هەڵەبجە) كۆكراونەتەوە.

رۆژی 15-12-2022 دوای 30 ساڵ، حكومەتی هەرێمی كوردستان لەسەر دەستی قوباد تاڵەبانی بوو بەخاوەنی پڕۆژەی شەفافییەت لە داهات و خەرجی و سایتی شەفافییەت لە 8 بەش پێكدێت و لەلایەن نووسینگەی جێگری سەرۆكی ئەنجومەنی وەزیرانی هەرێمی كوردستانەوە سەرپەرشتی دەكرێت.