ئیمان ئامێدی: بەپەسەندكردنی یاسای بودجە چیتر مووچەی فەرمانبەران دوا ناكەوێت

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

یاسای بودجەی گشتی حكومەتی فیدڕاڵ بۆ ساڵەكانی 2025،2024،2023 لەلایەن سەرۆك كۆمارەوە پەسەندكرا و پێویستە یاساكە لە رۆژنامەی ڕەسمی ( وقائعی عێراقی) بلاوبكرێتەوە، و لەدوای ئەوە دەچێتە بواری جێبەجێكردنەوە.

لەم بارەیەوە ئیمان ئامێدی ئەندامی سەركرایەتی یەكێتی و ئەندامی ئەنجوومەنی نوێنەرانی عێراق ڕایگەیاند: لەدوای هەوڵەكانی فراكسیۆنی یەكێتی ماف و شایستە داراییەكانی فەرمانبەران و خانەنشینانی هەرێم لەپرۆژە یاسای بودجەدا پەسەندكرا.

ئیمان ئامێدی وتیشی: ئیدی لەمەولا مووچە و شایستە داراییەكان لەلایەن بەغداوە بۆ هەرێم دواناكەوێت و لەڕێی پەرەپێدانی پاریزگاكان زۆربەی زۆری پڕۆژەكان دەكەونەوە گەڕ، بەوەش بوژانەوە و ئاواكردن ڕوودەكاتە هەرێمی كوردستان.