هەناردەی توركیا بۆ عێراق كەمی كردووە

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

چارەكی یەكەمی ئەم ساڵ هەناردەی توركی بۆ عێراق كەمیكردووە، هاوكات سەرۆكی دامەزراوەكی لێكۆڵینەوە و راوێژكاری رایدەگەیەنێت دوو هۆكار لە پشتەوەی پاشەكشەی هەناردەی كەلوپەلی توركین بۆ عێراق.

رۆژی یەكشەممە 30_4_2023 مەنار عوبەیدی، سەرۆكی دامەزراوەی عێراقی ئاییندە بۆ لێكۆڵینەوە و راوێژی ئابووری رایگەیاند، هەناردەی توركی لە چارەكی یەكەمی ئەمساڵ (2023) بۆ عێراق بە رێژەی 17% كەمیكردووە، كە لە كۆی گشتی تەواوی ساڵەكە دەگاتە رێژەی 32% و بۆ هەر وەرزێكیش دەكاتە بڕی 2.2 ملیار دۆلار، لە كاتێكدا لە چارەكی یەكەمی ساڵی 2022 رێژەكەی گەیشتبووە 2.7 ملیار دۆلار.

سەرۆكی دامەزراوەی عێراقی ئاییندە بۆ لێكۆڵینەوە و راوێژی ئابووری ئاماژەی بەوە كردووە، بوومەلەرزەكەی شوباتی ئەم ساڵ كە چەندین ناوچەی گرنگی پیشەسازی و كارسازی توركیای گرتەوە، هاوكات لەگەڵ ڕێككارەكانی ئەم دواییە بۆ رێكخستنەوەی گواستنەوەی دارایی بۆ توركیا، دوو هۆكاری سەرەكی بوونە بۆ پاشەكشەی هەناردەی توركیا بۆ عێراق.