پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
وەزارەتی تەندروستی عێراق ئاشکرایکرد، بڕیارە لە بودجەی ئەمساڵ دەرمانی هەموو پارێزگاکانی هەرێم و عێراق لەلایەن کۆمپانیای گشتی دەرمانی عێراقی”کیمادیا”وە دابینبکرێت.
وەزارەتی تەندروستی عێراق ڕایگەیاند، لە بودجەی ئەمساڵی 2023، لەلایەن کۆمپانیای گشتی دەرمان و پێداویستی پزیشکی عێراق ناسراو بە کیمادیا، دەرمانی هەموو پارێزگاکانی هەرێم و عێراق بەرهەم دەهێنرێت، کە کۆمپانیانەکە پێشەنگی کارەکانی تایبەت کردووە بە دابینکردنی دەرمانی شێرپەنجە.
ئاماژەی بەوەکرد، بودجەی ساڵی 2023 یەکێکە لە باشترین بودجەکان و ئەوان وەک وەزارەتی تەندروستی پێشەنگی کارەکانیان لەو پڕۆژە یاسایە تایبەتکردووە بە دەرمانەکانی شێرپەنجە و باری لەناکاو و سڕکردن.
ڕوونیکردەوە، وەزارەتی تەندروستی عێراق بەردەوامە لە کۆبوونەوە لەگەڵ هەرێم، بەمەبەستی سنووردارکردنی کێشە و بەربەستەکانی بەردەم ئامڕازی دابینکردنی دەرمان بۆ سەرجەم عێراق و پارێزگاکانی هەرێم.