پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
بەریتانیا پێشوازی لە کۆبوونەوەی یەکێتی نیشتمانی کوردستان و پارتی دیموکراتی کوردستان دەکات.
ئەمڕۆ چوارشەممە نێچيرڤان بارزانى، سه‌رۆكى هه‌رێمى كوردستان پێشوازى له مايک برايسۆن ريچاردسۆن، باڵيۆزى به‌ريتانيا له عێراق كرد.
لەوبارەیەوە سەرۆکایەتی هەرێم لە ڕاگەیەندراوێکدا ئاماژەی بەوەکرد، له كۆبوونه‌وه‌كەدا هه‌ردوولا جه‌ختيان له برده‌وان به په‌يوه‌ندييه‌كانى عێراق و هه‌رێمى كوردستان له‌گه‌ڵ به‌ريتانيا كرده‌وه.
هاوکات، دوايين پێشهاته‌كانى دۆخى سياسيى عێراق، په‌يوه‌ندييه‌كانى هه‌ولێر ـ به‌غدا و پێشهاته‌كانى ناوچه‌كه‌يان به‌گشتى تاوتوێ كرد.
له‌باره‌ى دۆخى ناوخۆى هه‌رێمى كوردستانه‌وه، باڵيۆزى به‌ريتانيا پێشوازى له كۆبوونه‌وه‌ى یەکێتی و پارتی كرد و پشتگيريى وڵاته‌كه‌ى بۆ گفتوگۆى هه‌ردوولا و چاره‌سه‌ركردنى كێشه‌كان به گفتوگۆ ده‌ربڕى.
له‌لايه‌كى ديكه‌وه پرسى ياساكانى نه‌وت و گاز و بودجه‌ى عێراق و بڕياره‌كانى دادگاى باڵاى فيدراڵى و كاريگه‌ريى نه‌رێنييان له‌سه‌ر كه‌شى سياسيى وڵات خسته به‌ر باس. له‌مباره‌يه‌وه باڵيۆزى به‌ريتانيا دووپاتى كردەوه كه وڵاته‌كه‌ى هه‌ولێر و به‌غدا هان ده‌دات بۆ ئه‌وه‌ى به گفتوگۆ كێشه‌كانيان چاره‌سه‌ر بكه‌ن.
قەیوان گروپ
مایۆرکا سیتی جوانییەک لە دڵی سروشتدا
