پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
لە شاری سلێمانی حاكم قادر حەمەجان ئەندامی ئەنجومەنی باڵای سیاسی و بەرژەوەندییەكانی یەكێتی نیشتیمانی كوردستان، بە یاوەریی حاكم محەمەد قەرەداخی سەردانی بارەگای حزبی شیوعی كوردستانیان كردوو لەلایەن د.كاوە مەحمود سكرتێری گشتی و سوبحی مەهدی ئەندامی سەركردایەتی و عوسمان زیندانی بەرپرسی مەڵبەندی سلێمانی پێشوازیان لێكرا، سەرەتا دۆخی سیاسیی هەرێم و عێراق و پێشهاتە نوێیەكان گفتوگۆی لەبارەوە كراو چەند پرسێكی دیكە خرانەبەر باسەوە.
حاكم قادر ڕایگەیاند، بەداخەوە لە ئێستادا عێراق و هەرێم بە قۆناغێكی بێ متمانەی سیاسی و دابڕانی لایەنە سیاسیەكاندا تێدەپەڕێت و هێشتا كات ماوە كورد نێو ماڵی خۆی ڕێكبخاتەوەو سەرجەم لایەنەكان بە یەك پاكێج بڕۆنەوە بەغدا بۆ پارێزگاریكردن لە بەرژەوەندیەكانی گەلی كوردستان.
لەسەردانەكەدا هەردوولا جەختیان لەسەر ئەوە كردەووە، پێویستە خاڵی هاوبەشی هەموو لایەنە سیاسییەكان ئاسایی كردنەوەی بارودۆخی هەرێمی كورستان بێت و ئەم قۆناغە پێویستی بە یەكگرتوویی و یەكڕیزی هەیە و ئەگەر یەكگرتوو و یەكڕیز نەبێت، دەبێت چاوەرێی بڕیاری تریش بین لەدژی گەلی كوردستان، بۆیە كارو كاردانەوە و موزایەدە كردن لە دژی یەكتر بێ سودە و زیانی گەورە بە دۆزی گەلەكەمان دەگەیەنێت.
حاكم قادر هێمای بۆ ئەوەشكرد، وەك یەكێتی نیشتیمانی هەمیشە جەخت لە پەیوەندی دۆستانەی نێوان سەرجەم لایەنەكان دەكەینەوە لەسەر پرانسیپی ئاشتی و پێكەوە ژیان بە شێوەیەك پرسی نیشتمانی و نەتەوەیی و ژیان و گوزەرانی هاوڵاتیان هەوێنی بەهێزكردنی گوتار و پرۆسەی سیاسی هەرێمی كوردستان بێت لە پێناو باشتركردنی ژیانی هاوڵاتیان و دەستەبەركردنی ماف و ئازادییەكان و حوكمڕانیەكی باشتر.
قەیوان گروپ
مایۆرکا سیتی جوانییەک لە دڵی سروشتدا
