پۆڵەتیك پرێس
وەزارەتی دارایی و ئابوری حكومەتی هەرێمی كوردستان خشتەیەكی نوێی موچەی بۆ مانگی ئایار بڵاوكردەوە و بەپێی خشتەكەش سبەی موچەی وەزارەتی ناوخۆ دەدرێت.
بەگوێرەی راگەیەندراوێكی وەزارەتی دارایی و ئابوری حكومەتی هەرێم، بڕیارە سبەی دووشەممە 31ی ئایار موچەی وەزارەتی ناوخۆ و بەڕێوەبەرایەتی گشتی رەگەزنامە بە لێبڕینی 21%دابەشدەكرێت .
لە راگەیەندراوەكەدا هاتووە بۆ رۆژی سێشەممە 1ی حوزەیران موچەی هێزەكانی زێرەڤانی لیواكانی نەوت و گاز دابەشدەكرێت.
ئەمە لەكاتێكدایە، تائێستا بۆ مانگی ئایار موچەی دیوانی وەزارەتی پێشمەرگە و لیوا هاوبەشەکان و وەزارەتی تەندروستی دابەشكراوە.