پۆڵەتیک پرێس:
لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress
بەڕێوەبەرایەتی تەندروستیی کەرخ رایگەیاند، ئامادەکاری کراوە بۆ روبەڕوبوونەوەی پەرەسەندنەکانی کۆرۆنا و تا ئێستاش گۆڕاوی ئۆمیکرۆن نەگەیشتووەتە عێراق.
جاسب لەتیف حجامی، بەڕێوەبەری بەڕێوەبەرایەتی تەندروستیی کەرخ رایگەیاند، “بڕیاری راگرتنی هاتوچۆ و راگەیاندنی کەرەنتین جارێ کاتی نەهاتووە، بەڵام ئەگەر حاڵەتەکانی توشبوون بە کۆرۆنا بەشێوەی بەرفراوان زیادبکەن، بەدڵنیایی بڕیاری نوێ لەلایەن لیژنەی باڵای تەندروستیی و سەلامەتی نیشتیمانییەوە دەردەکرێت، بەڵام هاوشێوەی بڕیارە کۆنەکان نابێت”.
وتیشی: پێشبینی ناکەم جارێکی دیکە بڕیاری راگرتنی هاتوچۆ و داخستن بدرێت، چونکە لەماوەی رابردوودا ئەو بڕیارە بەشێوەیەکی نەرێنی کاریگەری لەسەر کاروباری دەزگا حکومییەکان و کەرتە تایبەتەکان و ژیانی هاوڵاتیان دا.
ئاشکراشی کرد، هیشتا گۆڕاوی ئۆمیکرۆن نەگەیشتووەتە عێراق، بەڵام هەر دەگات وەک چۆن سەرجەم گۆڕاوەکانی دیکەی کۆرۆنا گەیشتنە عێراق.