پۆڵەتیک پرێس
سەرۆکی ویلایەتە یەکگرتووەکانی ئەمریکا و سەرۆکی ڕوسیا دوای دایدارە چاوەڕواننکراوەکەیان کۆنگرەی ڕۆژنامەنووسی هاوبەش نابەستن و بەجیا قسە بۆ میدیاکان دەکەن.
دیمیتری پیسکۆڤ، وتەبێژی کۆشکی کرملنی ڕوسیا ڕایگەیاند، ئاگاداری ئەوەن کە سەرۆکی ویلایەتە یەکگرتووەکانی ئەمریکا دوای کۆبوونەوەی لەگەڵ سەرۆک پوتین بەجیا کۆنگرەی ڕۆژناوانی ئەنجام دەدات و ئەوەش مافێکی ئاسایی سەرۆکی ئەمریکایە.
پیسکۆڤ ئاماژەی بەوەش کرد، ” بە هەمان شێوە بڕیارە سەرۆک پوتینیش دوای کۆبوونەوەکە بەجیا کۆنگرەی ڕۆژنامەوانی بۆ میدیاکان ببەستێت”.
پێشتریش ماڵپەڕی بلومبێرگ بڵاویکردەوە، ” وتەبێژی کۆشکی سپی ڕایگەیاندووە کە سەرۆک بایدن دوای کۆبوونەوەی لەگەڵ سەرۆک پوتین بەجیا کۆنگرەی ڕۆژنامەوقانی ئەنجام دەدات”.
وتەبێژەکەی کۆشکی سپی وتووشیەتی، ” بەستنی کۆنگرەی جیا بۆ هەردوو سەرۆک گونجاوترە”.
بڕیارە ڕۆژی چوارشەممە ١٦ ی ئەم مانگە هەردوو سەرۆکی ڕوسیا و ئەمریا لە جنێف-ی پایتەختی سویسرا کۆببنەوەو چەندین پرسی وەک پەیوەندیەکانی هەردوو وڵات و سەقامگیری ستراتیژی و ڕووبەڕووبوونەوەی ڤایرۆسی کۆرۆنا و سنوردارکردنی چەک و چەندین پرسی دیکە تاوتوێ بکەن.
قەیوان گروپ
مایۆرکا سیتی جوانییەک لە دڵی سروشتدا
