وەزارەتی دارایی عێراق: لەمانگی ڕەمەزاندا وەرگرتنەوەی قەرز و پێشینەکان ڕادەگیرێت

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

وەزارەتی دارایی عێراق ڕایگەیاند، بڕیاردرا لە مانگی ڕەمەزاندا وەرگرتنەوەی پێشینە و قەرزەکانی هاوڵاتییان لە بانکە حکومییەکان ڕابگیرێت.

ئەمڕۆ چوارشەممە6ی ئادار، وەزارەتی دارایی عێراق لە ڕاگەیەندراوێکدا ئاشکرایکرد،” بەپشتبەستن بە ڕێنماییەکانی محەمەد شیاع سودانی، سەرۆک وەزیرانی عێراق و تەیف سامی، وەزیری دارایی عێراق، بڕیاردرا بۆ مانگی ڕەمەزان وەرگرتنەوەی قیستی مانگانەی پێشینە و قەرزەکانی فەرمانبەران و خانەنشینان، لە بانکەکانی سەر بە وەزارەتی دارایی ڕابگیرێت”.

ئاماژەی بەوەکرد، بۆ مانگی ڕەمەزان بەهەمان شێوە لێبڕینی پارەی بیمە بۆ پێشینە و قەرزەکان لە کۆمپانیاکانی بیمە ڕادەگیرێن.

ڕوونیکردەوە، وەرگرتنەوەی قیستی مانگانەی قەرز و پێشینەکان و لێبڕینی پارەی بیمە لە سوودمەندبووان لەدوای مانگی ڕەمەزان دەستپێدەکاتەوە.