لەبارەی نەبوونی پارەی کاشی پێویست بۆ دابەشکردنی مووچە وەزارەتی دارایی عێراق ڕوونکردنەوە دەدات

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

وەزارەتی دارایی عێراق، دەنگۆی نەبوونی پارەی کاشی پێویست بۆ دابەشکردنی مووچە ڕەتدەکاتەوە و ڕایگەیاند، هەمیشە و بەبێ دواکەوتن و لەوادەی خۆیدا بەردەوامبوون لە دابەشکردنی مووچە.

وەزارەتی دارایی عێراق لە ڕاگەیەندراوێکدا، لەبارەی دەنگۆی نەبوونی پارەی کاشی پێویست بۆ دابەشکردنی مووچە سەرسوڕمانی خۆی دەربڕی و رایگەیاند، لەوادەی خۆیدا هەمیشە بەردەوامن لە دابینکردنی مووچەی فەرمانبەران، خانەنشینان و بیمەی کۆمەڵایەتی.

ئاماژەی بەوەکرد، پلانی چاکسازی دارایی و ئابوری، کە لەلایەن حکومەتەوە جێبەجێکراوە هۆکارە بۆ زیادبوونی گەشەی ئابوری بەشێوەیەکی بەرچاو، هەروەها بەمەبەستی دابەشکردنی مووچە لە زوترین کاتدا ڕۆژانی هەینی و شەممە دەوامکراوە.

لەکاتێکدا، دەنگۆی ئەوە لە چەند میدیایەکی عەرەبی بڵاوبووەوە، کە وەزارەتی دارایی عێراق کێشەی نەبوونی پارەی کاشی پێویستی هەیە بۆ دابەشکردنی مووچە.