سوودانی هۆکاری دەستپێنەکردنەوەی هەناردەی نەوتی هەرێمی ئاشکراکرد

سەبارەت بە هەناردەى نەوتى عێراق و کاریگەریى بە کێشمەکێشەکانى ناوچەکە گوتى، هیچ کێشەیەک لە بەرهەمهێنان و هەناردەى نەوتى عێراقدا نییە، رووداوەکان لەم پێگە هەستیارە کە 30%ى وزەى جیهان دابیندەکات بەردەوامە، بارودۆخى ئێستا جێگەى نیگەرانى بەرهەمهێنەران و کڕیارانى نەوتە، بەردەوامى شەڕ لەکەرتى غەززە و فەڵەستین دەبێتە هۆى فراوانبوونى بازنەى کێشمەکێشەکان، ئێستاش ئەوە روویداوە.

سەرۆکوەزیرانى عێراق لەبارەى دەستپێکردنەوەى هەناردەى نەوتى هەرێمى کوردستان ئاماژەى بەوەکرد، لەگەڵ لایەنى تورکى کێشەیان نەماوە و ئامادەییان دەربڕیوە، بەڵام کێشە لەگەڵ ئەو کۆمپانیایانەدا هەیە لەهەرێمى کوردستان نەوت بەرهەمدەهێنن، کێشەى نێوان بەغداد و هەولێر لەسەر تێچووى بەرهەمهێنانى نەوتە.

سودانى لەبەشێکى دیکەى قسەکانیدا گوتى، پلانى ئەوەیان داناوە لەماوە سێ بۆ پێنج ساڵى داهاتوودا بەشى پێویستى عێراق گاز دابینبکەن و بگەنە قۆناغى بەفیڕۆنەچوونى گاز، ساڵانە چوار ملیار دۆلار بۆ کڕینى گاز دابیندەکرێت، هەرکاتێک بگەنە ئەوەى بەشى پێویستى ناوخۆیى گاز بەرهەمبهێنن، ئەو پارەیە بۆ پرۆژەى دیکە دابیندەکرێت