هۆشداریەكی توند لە بافڵ جەلال تاڵەبانییەوە

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

دوای ئەوەی خانەنشینێك ئەمڕۆ لەسەرەی وەرگرتنی مووچەدا گیانی لەدەستدا بافڵ جەلال تاڵەبانی بەڕێوەبەری بانكی هەرێمی بانگهێشتی بەغدا كرد و هۆشداریشی دایە بەهیچ شێوەیەك دووبارەبوونەوەی حاڵەتی لەم شێوەیە قبوڵ ناكەن.

دوای بیستنی هەواڵی دڵتەزێنی گیانلەدەستدانی خانەنشینێكی تر لە سلێمانی لە كاتی نۆرەگرتن بۆ مووچە، بافڵ جەلال تاڵەبانی بانگهێشتی عەبدولرەحمان ساڵح رەشید، بەڕێوەبەری گشتیی بانكی ناوەندی هەرێم لە سلێمانی كرد بۆ بەغدا و بەدواداچوونیكرد بۆ بەردەوامی و دووبارەبوونەوەی ئەم كێشەیە و رایگەیاند، خانەنشینان رێزلێگیراوترین تاكی كۆمەڵگەن و زۆرینەی تەمەنیان لە خزمەتكردنی كوردستان و خەڵكەكەیدا بەسەربردووە، بۆیە دەبێت مامەڵەیەكی جیاواز و تایبەتیان لەگەڵ بكرێت.

بافڵ جەلال تاڵەبانی هۆشداریشی دایە بەڕێوەبەری بانكی ناوەندی هەرێم لە سلێمانی و وتی بەهیچ شێوەیەك دووبارەبوونەوەی حاڵەتی لەم شێوەیە قبوڵ ناكەین و ئەركی ئێوەیە لە بەرزترین ئاستدا مامەڵەی خانەنشینان رایی بكەن و بە ئەوپەڕی رێز و شكۆمەندییەوە هەڵسوكەوتیان لەگەڵ بكرێت.

بافڵ جەلال تاڵەبانی بەڕاشكاوی راشیگەیاند ئەگەر حكومەت ناتوانێت ئەم دیاردە ناشارستانییە چارەسەر بكات، ئەوا پێویستە بە ئاشكرا رایبگەیەنێت. چونكە لەمەودوا نەك لە سلێمانی بەڵكو لە هیچ شارێكی تر دووبارەبوونەوەی ئەم حاڵەتە قبوڵ ناكەین. ناكرێت سەرباری دواكەوتن و پێنەدانی مووچەكانیان بەوشێوەیە مامەڵە لەگەڵ خانەنشینان بكرێت و دوور لە هەموو بەهایەكی مرۆیی شایستە داراییەكانی خۆیان پێبدرێت.

قەیوان گروپ

 


مایۆرکا سیتی جوانییەک لە دڵی سروشتدا