پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
بەگوێرەی راپۆرتی ساڵانەی ‘دەنگی کرێکار’ ئەمساڵ 73 کرێکار لە هەرێمی کوردستان و ناوچە کوردستانییەکانی دەرەوەی ئیدارەی هەرێم گیانیان لەدەستداوە.
پێگەی رۆژنامەگەری دەنگی کرێکار داتاکانی ساڵی رابردووی لە رۆژی 1-1-2023 تاکو رۆژی 10-12-2023 بڵاوکردەوە؛ بەگوێرەی داتاکان ساڵی رابردوو 52 کرێکار لە هەرێمی کوردستان و 21 کرێکاریش لە ناوچە کوردستانییەکانی دەرەوەی ئیدارەی هەرێم لەکاتی کارکردندا گیانیان لەدەستداوە کە تەمەنیان لەنێوان 15 بۆ 70 ساڵ بووە.
دەنگی کرێکار ئەوەشی خستەڕوو، 18 لەو کرێکارانە بیانین و دانیشتووی هەرێمی کوردستان نین، بەبێ ئەوەی ئاماژە بە نەتەوە و رەگەزیان بدات.
رێژەی قوربانییەکان بەپێی شارەکان بەم شێوەیەیە:
سلێمانی 19 قوربانی
هەولێر 22 قوربانی
دهۆک 6 قوربانی
هەڵەبجە 5 قوربانی
کەرکوک و ناوچە کێشە لەسەرەکان 21 قوربانی
هۆکارە باوەکانی قوربانییەکان بەگوێرەی داتاکانی پێگەی دەنگی کرێکار بریتین لە، کەووتنە خوارەوە، کارەبا گرتن، بوون بەژێر ئامرازەکانی کارکردنەوەم سووتان، خنکان و تەقینەوەی ئامێرو ئامرازەکان