وردەکارییەکانی بەڕێوەچوونی هەڵبژاردنی ئەنجومەنی پارێزگاکان بڵاوکرایەوە

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

ئەمڕۆ شەممە9ی کانونی یەکەم، کۆمسیۆن وادەی کردنەوە و داخستنی ناوەندەکانی دەنگدان و وردەکارییەکانی دیکەی بەڕێوەچوونی هەڵبژاردنی ئەنجومەنی پارێزگاکانی ڕوونکردەوە.

ئەلحەسەن قەباس، ئەندامی تیمی میدیای کۆمسیۆنی باڵای سەربەخۆی هەڵبژاردنەکان ئاشکرایکرد، “یاسای هەڵبژاردن ڕوونە، دەنگدانی تایبەت تەنها ئاوارەبووان و هێزە ئەمنییەکان دەگرێتەوە و هیچ توێژێکی دیکەی وەک بەندکراوان، ڕاگیراوان و نەخۆش ناگرێتەوە، هەمان یاساش بەسەر هەڵبژاردنی داهاتووی ئەنجومەنی نوێنەراندا جێبەجێدەکرێت”.

ئاماژەی بەوەکرد، هاوڵاتیانی عێراقی لە دەرەوە ناتوانن بەشداری لە هەڵبژاردنی پارێزگاکاندا بکەن، دەنگدان تەنها لەڕێی کارتی بایۆمەترییەوە و لەرێگەی ئەو 906 ناوەندەی لەسەرتاسەری عێراق بۆ ئەو مەبەستە کراونەتەوە دابەشکردنی کارتی دەنگدان بەردەوامە و لەکاتی دەوامی فەرمی و ڕۆژانی پشوشدا کاردەکەن، بۆیە داوای لە هاوڵاتیان کرد سەردانی ناوەندەکان بکەن.

ڕوونیکردەوە، 24 کاتژمێر بەر لە ڕۆژی دەنگدانی تایبەت ماوەی بانگەشەی هەڵبژاردن ڕادەگیرێت و دەنگدانی گشتیش لە کاتژمێر 7ی بەیانی دەستپێدەکات تا کاتژمێر 6ی ئێوارە.

بڕیارە، ڕۆژی دووشەممە18ی کانونی یەکەم، هەڵبژاردنی ئەنجومەنی پارێزگاکانی عێراق، جگە لە هەرێمی کوردستان بەڕێوەبچێت.