پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
ئەمڕۆ یەکشەممە21ی ئایار، بەڕێوەبەرایەتی پۆلیسی پارێزگای سلێمانی ڕایگەیاند، لەسەر سكاڵای چەند هاوڵاتییەك و بە تۆمەتی دزیكردن دوو تۆمەتبار لە لایەن نوسینگەی نەهێشتنی تاوانی ناوبازاڕەوە دەستگیركران .
پۆلیسی سلێمانی بڵاویکردەوە، دوای ئەوەی چەند هاوڵاتییەك سكاڵایان تۆماركرد، كە لەناو بازاڕی شاری سلێمانی دزییان لێكراوە، هێزەكانی پۆلیس لێكۆڵینەوەو بەدواداچوونەكانیان دەستپێكرد.
ئاماژەی بەوەکرد، دوای بەدواداچوونەکان و وەرگرتنی بڕیاری دادوەر توانرا لەلایەن نوسینگەی نەهێشتنی تاوانی ناوبازاڕەوە دوو تۆمەتبار بدۆزرێتەوە و دەستگیربكرێن.
ڕوونیکردەوە، لە ئێستادا هەریەك لە تۆمەتباران، ( ف، ك، ح) لەدایكبووی 1973 و (ن، أ، ش) لەدایكبووی 2003 دانیشتوی شاری كەركوك، بەبڕیاری دادوەرو بەپێی ماددەی 446 لەیاسای سزادانی عیراقی ڕاگیراون و چەند سكاڵایەكی یاساییان لەسەر تۆماركراوە .