پۆڵەتیک پرێس
دەستەی دەروازە سنورییەکانی عێراق رایگەیاند: لەماوەی ٢٠ رۆژدا دەروازەی سنوری عەرعەری نێوان سعودیە و عێراق دەکرێتەوە.
رۆژی پێنجشەممە، عومەر وائیلی سەرۆکی دەستەی دەروازە سنوریەکانی عێراق رایگەیاند: کردنەوەی دەروازەی سنوری عەرعەر وەستاوە لەسەر دیاریکردنی کاتەکەی لەلایەن سەرۆکوەزیران بەهەماهەنگی لەگەڵ دیوانی پاشایەتی سعودیە.
ئەوەشی خستەڕوو، دەروازە لە ماوەی ١٤ بۆ ٢٠ رۆژ دەکرێتەوە و هەردوو وڵات بۆ کردنەوەی دەروازەکە ئامادەن.
لەماوەی رابردوودا، بڕیاربوو مستەفا کازمی سەرۆکوەزیرانی عێراق وەکو یەکەم وڵات سەردانی سعودیە بکات و چەند رێککەوتن و لێکتێگەشتنێکیش لەگەڵ ئەو وڵاتەدا واژۆ بکات، بەڵام بەهۆی نەخۆشکەوتنی شای سعودیەوە سەردانکردنەکە ئەنجامنەدرا.