پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
ئەمڕۆ چوارشەممە ئەنجومەنی وەزیران لەبارەی خستنەڕووی پڕۆژەی بودجەی هەرێمی کوردستان بۆ ساڵی 2022 کۆدەبێتەوە.
فەرمانگەی میدیا و زانیاری حکومەتی هەرێم ڕایگەیاند، ئەمڕۆ چوارشەممە 29ی حوزەیرانی 2022، ئەنجومەنی وەزیرانی هەرێمی کوردستان کۆبوونەوەی هەفتانەی خۆی بە سەرۆکایەتیی مەسرور بارزانی سەرۆکی حکومەتی هەرێمی کوردستان و قوباد تاڵەبانی جێگری سەرۆکی حکومەت، ئەنجام دەدات”.
بەگوێرەی بڵاوکراوەی فەرمانگەی میدیا و زانیاری، “بڕیارە لە کۆبوونەوەکەی ئەمڕۆ بابەتی چەندبارەبوونەوەی هێرشەکان بۆ سەر خەڵک و ژێرخانی کوردستان لە چەند مانگی ڕابردوودا و گرنگیی پێکهێنانی هێزی هاوبەشی پێشمەرگە و هێزە ئەمنییەکانی عێراق بۆ پڕکردنەوەی بۆشایی ئەمنی و ڕێکارەکانی هەردوو وەزارەتی کاروباری پێشمەرگە و ناوخۆ بۆ پاراستنی ژێرخانی گشتی و دامەزراوەکانی نەوت و گاز بخرێنەڕوو”.
هاوکات، بڕیارە بابەتی گوشاری بەردەوامی حکومەتی فیدڕالی بۆ وەبەرهێنەرانی بواری نەوت و گاز لە هەرێمی کوردستان لە پێناوی پەکخستنی پڕۆژەکانی گەشەپێدانی سەرچاوەکانی نەوت و گاز لە هەرێمی کوردستان کە ئەمەش بە ئاشکرا پێشێلکردنی دەسەڵاتە دەستوورییەکانی هەرێمی کوردستانە لە کۆبوونەوەکەدا بخرێتەڕوو.
بەشێکی دیکەی کۆبوونەوەکەش تایبەت دەبێت بە خستنەڕووی بابەتی پڕۆژە بودجەی هەرێمی کوردستان بۆ ساڵی 2022.
قەیوان گروپ
مایۆرکا سیتی جوانییەک لە دڵی سروشتدا
