بڵاوبوونەوەی تای خوێنبەربوون گەیشتۆتە ئاستێکی مەترسیدار

پۆڵەتیک پرێس

پارێزگای زیقار ڕایگەیاند، دۆخی خێرایی بڵاوبوونەوەی تای خوێن بەربوون گەیشتوەتە ئاستێکی مەترسیدار.

ئەمڕۆ دوو شەممە بەڕێوەبەری نەخۆشخانەی ڤێتێرنەریی زیقار بە بە میدیا عێراقیەکانی ڕاگەیاند، بڵاوبوونەوەی تای خوەن بەربوون لە ئاستێکی مەترسیداردایە، لە پارێزگای زیقار 14 کەس توشبوون، داواش لە وەزارەتی تەندروستی دەکات بەپەلە بە هانایانەوە بچن.

هاوکات ڕۆژی شەممە جێگری بەڕێوبەری تەندروستی سلێمانی ڕایگەیاند، تا ئێستا هیچ حاڵەتێکی تای خوێن بەربوون تۆمار نەکراوە لە سلێمانی، تای خوێنبەربوون لەڕێگەی جۆرێک مێرووی ئاژەڵییەوە تووشی ئاژەڵ دەبێت و لە ئاژەڵەوە بۆ مرۆڤ دەگوازرێتەوەو ڕێژەی گیانلەدەستدان بەهۆیەوە دەگاتە 40%..