پۆڵەتیك پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
هەردوو پارێزگای سلێمانی و هەڵەبجە بڕیاریاندا بەهۆی دابەزینی پلەكانی گەرماوە دوو رۆژ پشووی فەرمی رابگەیەنن.
بەپێی فەرمانێكی كارگێڕی ، هەڤاڵ ئەبوبەكر پارێزگاری سلێمانی، رۆژانی سێشەمە و چوار شەممەی وەك پشووی فەرمی لەسەرجەم دامودەزگا حكوومییەكان راگەیاند.
لەلایەكی دیكەوە لەسەر بڕیاری پارێزگاری هەڵەبجە، ڕۆژانی سێشەمە و چوار شەمە پشووی فەرمیە لە سەرجەم دامەزراوەکانی حکومەتدا لە سنوری پارێزگای هەڵەبجە.
لەکاتێکدا ئەمڕۆش لە پارێزگای هەڵەبجە پشووی فەرمی سەرجەم دام و دەزگاكانی حكومەت بوو بەهۆی سەرماو سۆڵە و بەفربارینەوە.
پێشتر بەڕێوەبەرایەتی گشتی پەروەردەی سلێمانی لە راگەیەندراوێكدا رایگەیاند: دوای ڕاوێژ لەگەڵ پارێزگاری سلێمانی و بەڕێوەبەری كەشناسی و بومەلەرزەی سلێمانی، لەبەر دابەزینی پلەی گەرمی و بەستەڵەك و سەرما وە بۆ پاراستنی گیانی قوتابیان و خوێندكاران بڕیارماندا بە ڕاگرتنی تاقیكردنەوەكانی كۆتایی وەرزی یەكەم لە ڕۆژانی سێشەممە و چوارشەممە و پێنج شەممە بەرواری (18 و 19 و 20_1_2022) لە گشت ناوەندەكانی خوێندن بە حكومی و ناحكومی یەوە.