بابل زۆرترین و ئەنبار كەمترین بەشداری دەنگدانی تایبەتیان هەبوو لەسەر ئاستی عێراق

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

دكتۆر هەیمان تەحسین، بەڕێوەبەری فەرمانگەی پارت و لایەنە سییاییەكان لە كۆمیسیۆنی باڵای سەربەخۆی هەڵبژاردن لە عێراق رایگەیاند، رێژەی بەشداریكردن لە دەنگدانی تایبەت لە سەرجەم پارێزگاكانی عێراق 69% بووە.

هەیمان تەحسین وتی: كەمترین رێژەی بەشداریكردن لە دەنگدانی تایبەت لە پارێزگای ئەنبارە‌، كە 59% بووە، زۆرترین رێژەش لە پارێزگای بابلە،‌ كە 80% بووە.

بەپێی ئەو ئامارەی كۆمسیۆنی باڵای سەربەخۆی هەڵبژاردنەكان بڵاویكردووەتەوە، رێژەی بەشداریكردن لە دەنگدانی تایبەت بەم شێوەیە بووە:

لە پارێزگای بەسرە 66% بووە.

لە پارێزگای میسان 76% بووە.

لە پارێزگای قادسیە 74% بووە.

لە پارێزگای زیقاڕ 72% بووە.

لە پارێزگای نەجەف 69% بووە.

لە پارێزگای موسەننا 73% بووە.

لە بەغدا/ رەسافە 64%‌ و لە بەغدا/ كەرخ 62% بووە.

لە پارێزگای كەربەلا 74% بووە.

لە پارێزگای بابل 80% بووە.

لە پارێزگای دیالە 74% بووە.

لە پارێزگای ئەنبار 59% بووە.

لە پارێزگای واسیت 67% بووە.

لە پارێزگای دهۆك 69% بووە.

لە پارێزگای هەولێر 75% بووە.

لە پارێزگای سلێمانی 78% بووە.

لە پارێزگای سەڵاحەددین 70% بووە.

لە پارێزگای كەركووك 62% بووە.

لە پارێزگای نەینەوا 70% بووە.

ئەو بەرپرسەی كۆمسیۆن ئاماژەی بەوە كرد، بەڕێوەچوونی پرۆسەی دەنگدانی تایبەت لەسەرجەم پارێزگاكانی عێراق بە رێكوپێكی ئەنجام دراوە، هێزە ئەمنییەكان و ئاوارەكانیش بەشدارییان لە دەنگدان كردووە.

بۆ راگەیاندنی ئەنجامی دەنگی كاندیدەكان روونیشكردەوە، تەنیا یەك ئەنجام دەخرێتەڕوو، ئەویش 24 كاتژمێر دوای تەواوبوونی پرۆسەی هەڵبژاردنی گشتی، ئەنجامی هەڵبژاردن ئاشكرا دەكرێت.