پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
دوای زیاتر لە ساڵێك بڕیارە هەفتەی داهاتوو دادگایی كردنی بەدەل بەرواری، چالاکوان و مامۆستای شاری دهۆک بەڕێوەبچێت و چارەنوسی ناوبراو یەكلابكرێتەوە.
رۆژی 15ی ئایاری 2020 بەدەل بەرواری لەلایەن هێزێكی ئەمنی لە دهۆك دەستگیركرا، كە دەیویست بۆ رۆژی دواتر خۆپیشاندانێك رێكبخات دژی دواكەوتنی موچەی مامۆستایان و فەرمانبەران.
لە 16شوباتی2021، بەدەل بەرواری و پێنج چالاكوان و رۆژنامەنووسی بادینان دادگایی كران و جگە لە بەدەل بەرواری، ئەوانی دیكە هەریەكەی بە شەش ساڵ زیندانی سزادران.
ئاسۆ هاشم، سەرۆكی تیمی پارێزەرانی بەدەل بەرواری بە پۆڵەتیك پرێسی رایگەیاند: “بڕیارە لە رۆژی یەكشەممەی داهاتوو27ی حوزەیران دادگایكردنی مامۆستا بەدەل بەرواری بەڕێوەبچێت و چارەنوسی یەكلا بكرێتەوە”.
وتیشی “ئێمە گەشبینین بەوەی ناوبرا بڕیاری ئازادكردنی بۆ دەربكرێت و ئازادبكرێت”.
ئەمەلەكاتێكدایە، رۆژی سێشەممە دادگای كەتنی دهۆك بڕیاری ساڵێك زیندانیكردن و پێبژاردنی 240 هەزار دیناری بۆ ئومێد حەجی فەتاح، ناسراو بە ئومێد بەرۆشكی دەركرد، بڕیارە سبەینێش جارێكی دیكە لەسەر سێ سكاڵای دیكە دادگایی بكرێتەوە.