مەلامەزهەر سكاڵایەكی لە ژنان بردەوە

ئەم بابەتە 36 جار بینراوە

پۆڵەتیك پرێس

دوای ئەوەی لەلایەن چالاكوانێكی ژنانەوە سكاڵا لەسەر مەلا مەزهەر خۆراسانی مامۆستای ئایینی تۆماركرا لەسەر تۆمەتباركردنی بەوەی هانی فرە ژنی دەدات و ناوی ژنی وەكو”دەیناسۆر” هێناوە، دادگای كەتنی هەولێر بڕیاریدا بە هەڵوەشاندنەوەی تۆمەتەكە.

ئاسۆ هاشم پارێزەری دۆسیەكەی مەلا مەزهەر خۆراسانی رایگەیاند: لە 6_2_2020 مەلا مەزهەر خۆراسانی دادگایی كرا لە لایەن دادگای كەتنی هەولێر_4 كە لە لایەن ئافرەتێكەوە سكاڵای لەسەر تۆمار كرابوو بە نوێنەرایەتی ڕێكخراوەكانی كۆمەڵگەی مەدەنی بەرگریكار لە مافی ئافرەت، تۆمەتی ئەوەی خرابووە پاڵ كە سوكایەتی بە بەشێك لە ئافرەتان كردووە و بە “دەیناسور” ناوی هێناون و هانی پیاوان دەدات بۆ فرە ژەنی.

ئەو پارێزەرە ئاشكرایكرد، دادگا بڕیاریدا بە هەڵوەشانەوەی تۆمەتەكە بە هۆی ئەوەی ئەو بەڵگانە بەس نەبوون وە دادخواز كە سكاڵای لەسەر تۆماركردبوو بەپێی یاسا ڕێگا پێدراو نەبوو بە جوڵاندنی ئەم سكاڵایە لە سەر مەلا مەزهەر وە هیچ دەقێكی یاسایش نی یە بابەتی فرە ژنیش بەتاوان دابنێت كە پەپێی شرع ڕێگای پێدراوە (محرم شرعا).

ئاسۆ هاشم رونیشكردەوە، دوای ئەوە بڕیارەكەی دادگا لە لایەن پارێزەرانی ئافرەتەكە تەمیز كرایەوە، دادگای تێهەڵچوونەوەی هەولێرش رەدی لائیحەی تەمییزیەكەی كردەوە لە بەرژەوەندی مەلا مەزهەر “مەلا مەزهەر لەم دادگایی كردنە سەركەوتوو بوو داواكەی بردەوە”

پەخشی راستەوخۆی رادیۆ پۆلەتیک