پۆڵەتیك پرێس
لەبەرامبەر بڵاوكردنەوەی نوسراوێكی ساختە بەناوی لێپرسراوی مەڵبەندی كەركوكی یەكێتیی نیشتمانیی كوردستان، لەلایەن كەناڵی “ئێن ئاڕ تی” كادرێكی پێشكەوتووی ئەو حزبە دەڵێت:”ئەگەر كەناڵی ئێن ئاڕ تی داوای لێبوردن نەكات سكاڵای لەسەر تۆماردەكەین”.
ئەحمەد رەفیق، كادیری پێشكەوتووی یەكێتی لە مەڵبەندی دووی كەركوك بە پۆڵەتیك پرێس-ی راگەیاند:”ئەو نووسراوەی بە ناوی لێپرسراوی مەڵبەندی كەركوكی یەكێتییەوە بڵاوكراوەتەوە ساختەیە و فەیكی سۆشیال میدیا برەوی پێداوە”.
ئەو كادرەی یەكێتی وتیشی:”رەنگە دەزگای یەكێك لە حزبە عێراقی یان كوردستانییەكان هەستابێت بە ساختەكردنی ئەو نووسراوە”.
ئاشكراشیكرد، “له‌بەرامبەر فەیكی سۆشیال میدیا لەبەرئەوەی هیچ باجێكی لەسەر نیە و سەرچاوەكەش نادیاربێت هیچ ناوترێت، بەڵام سكاڵا لەسەر ئێن ئاڕ تی تۆماردەكەین ئەگەر ئەمڕۆ داوای لێبورد نەكات، بەو پێیەی وەكو دەزگایەكی میدیایی هەستاوە بە بڵاوكردنەوەی ئەو نووسراوە ساختەیە و گرنگی پێداوە”.
پێشتر نووسراوێك بەناوی لێپرسراوی مەڵبەندی دووی رێكخستنی كەركووكی یەكێتی بڵاوكرایەوە و تێیدا ئەوە هاتبوو كە نەیانتوانیوە رەزامەندی بۆ ئاهەنگی نەورۆز و هەڵكردنی ئاڵای كوردستان لەسەر قەڵای كەركووك بەدەستبهێن.
دواتر نووسینگەی راگەیاندنی لێپرسراوی مەڵبەندی دووی رێكخستنی كەركووكی یەكێتی ڕاگەیەندراوێكی بڵاوكردەوە و ئاماژەی بەوەدا، داوای رەزامەندیمان لە هیچ كەس و لایەنێك نەكردووە بۆ ئاهەنگ، كەرنەڤاڵ، یادەكانی نەورۆز، راپەڕین و سەری ساڵی كوردی.
قەیوان گروپ
مایۆرکا سیتی جوانییەک لە دڵی سروشتدا
