نرخی زێڕ ژمارەیەکی پێوانەیی نوێی تۆمارکرد

پۆڵەتیك پرێس:

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

نرخی زێڕ بەردەوامە لەبەرزبوونەوەکانی وەشانەکانی رابردووی، ئەمەش بەهۆی گوشارە سیاسی و جیۆپۆڵەتیکەکانی رۆژهەڵاتی ناوەڕاست و خواست لەسەر کڕینی ئەو کاڵا ستراتیژییە لە جیهان،

رۆژی چوارشەممە (3ـی نیسانی 2024) نرخی زێڕ لە مامەڵە سەرەتاییەکانی بازاڕە داراییەکانی جیهان بەرزبوونەوەی بەخۆوە بینی و هەر ئۆنسەیەک بە 2 هەزار و 290 دۆلار مامەڵەی پێوەکرا.

بەرزبوونەوەی نرخی زێڕ چەند هۆکارێکی جیۆپۆڵەتیکی هەیە و رووداوەکانی ئەمدواییەی جیهان، کاریگەری راستەوخۆی لەسەر ئەو کاڵا بەنرخە داناوە.

رۆژی سێشەممە، ئۆکراینا لە رێگەی درۆنی خۆکوژییەوە هێرشیکردە سەر گەورەترین پاڵاوگەکانی نەوتی رووسیا و لە ئەنجامدا نرخی نەوت بەشێوەیەکی بەرچاو بەرزبوونەوە، لەبەرامبەر بەرزبوونەوەی بەرچاوی نرخی نەوت، خواست لەسەر زێڕ لە بازاڕەکانی جیهان زیادیکرد و جارێکی دیکە نرخی ئەو کاڵا ستراتیژییە ژمارەیەکی پێوانەیی تۆمارکرد و هەر ئۆنسەیەکی گەیشتە 2290 دۆلار.

لەلایەکی دیکەوە هێرشی ئیسرائیل بۆسەر باڵەخانەیەکی نزیک لە باڵیۆزخانەی ئێران لە دیمەشقی پایتەختی سووریا، خواستی لەسەر زێڕ زیادکرد.