هەڵبژاردن لە رووسیا کۆتایی هات و پوتن لەپێشەوەیە

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

دەنگدان بۆ ھەڵبژاردنی سەرۆکایەتی روسیا کۆتاییھات و پوتن 87٪ی دەنگەکانی بەدەستھێناوە و لیژنەی ھەڵبژاردنەکانیش دەڵێت، 73٪ی ئەوانەی مافی دەنگدانیان ھەبووە بەشداری ھەڵبژاردنیان کردووە.

سەعاتی 8:00 ی ئێوارە بەکاتی روسیا دەنگدان بۆ ھەڵبژاردنی سەرۆکایەتی لەو وڵاتە کۆتاییھات، بەپێی لیژنەی ھەڵبژاردنەکانی روسیاش لە ناوخۆی ئەو وڵاتە ئاستی بەشداری 73٪ و لە دەرەوەش 70٪ بووە، لە مۆسکۆی پایتەختیش رێژەی بەشداری دەنگدان گەیشتووەتە زیاتر لە 66٪ و دوای جیاکردنەوەی 27٪ی دەنگەکانیش ڤلادیمیر پوتن 87٪ی دەنگەکانی بەدەستھێناوە.

لە ھەڵبژاردنەکەدا چوار کەس کاندید بوون کە دیارترینیان ڤلادیمیر پوتن سەرۆکی ئێستای روسیایە، بەپێی زۆرینەی رەھای راپرسییەکانیش پوتن بۆ خولێکی دیکەی سەرۆکایەتی ھەڵدەبژێردرێتەوە.