پۆڵه‌تیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
له هه‌ولێر كۆنفرانسی رۆژنامه‌وانی پێكهاته‌كانی كوردستان دوای بڕیاره‌كانی دادگای فیدراڵی به‌ڕێوه‌چوو و محه‌ممه‌د ئیلخانی به نوێنه‌رایه‌تی پێكهاته‌كان رایگه‌یاند، ئه‌وه‌ی ئه‌مڕۆ له دادگای فیدراڵی به‌ڕێوه‌چوو، ته‌نیا بڕیارێكی سیاسی ئاشكرا بوو، بۆ به‌رژه‌وه‌ندی لایه‌نێكی سیاسی دیاریكراو كه له هه‌ڵبژاردنه‌كانی پێشوو تووشی لاوازی بووه.
ئیلخانی راشیگه‌یاند، وه‌ك پارت و لایه‌نی پێكهاته‌كانی كوردستان داوا له مەسعود بارزانی ده‌كه‌ین ئه‌م نادادپه‌روه‌رییه‌ی دادگای فیدراڵی ره‌تبكاته‌وه.
ئه‌وه‌شیان خسته‌ڕوو، هه‌موو لایه‌ك ئاگادارده‌كه‌ینه‌وه پاشگه‌زنابینه‌وه له سیاسه‌ت و ستراتجیه‌تمان و به‌رده‌وام ده‌بین له خه‌باتى سیاسى و دیبلۆماسیمان له‌پێناو خزمه‌تكردنى نیشتمان به‌گشت پێكهاته‌كانمان و ده‌نگى خۆمان ده‌گه‌یه‌نینه كۆمه‌ڵگه‌ى نێوده‌وڵه‌تى و نه‌ته‌وه‌یه‌كگرتووه‌كان.
دادگای باڵای فیدراڵیی عێراق بڕیاری دا، پەرلەمانی کوردستان لە 100 ئەندام پێکدێت و کۆمسیۆنی باڵای سەربەخۆی هەڵبژاردنەکانی عێراق راستەوخۆ سەرپەرشتیی بەڕێوەچوونی هەڵبژاردنەکانی پەرلەمانی کوردستان دەکات؛ بەگوێرەی بڕیارەکەی دادگای باڵای فیدراڵیی عێراق، کورسیی کۆتایی تورکمانەکان و پێکهاتە کەمینەکان کە 11 کورسی پەرلەمانییە نادەستوورییە لادەبرێن و هەرێمی کوردستان بەسەر چوار بازنەی هەڵبژاردن دابەش دەبێت.
سکاڵاکە یەکێک بوو لەدرێژترین ئەو سکاڵایانەی لە دادگای فیدراڵیی عێراق دادبینی بۆکرابێت بەجۆرێک زیاتر لە 9 مانگ و 11 دانیشتنی دادگا، دواجار بڕیاری کۆتایی لەبارەی سکاڵاکەی یەکێتیی نیشتیمانیی کوردستانەوە درا.
قەیوان گروپ
مایۆرکا سیتی جوانییەک لە دڵی سروشتدا
