لە کۆیە سێ بەنزینخانە سزادران

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

قائیمقامیەتی قەزای کۆیە ڕایگەیاند لەچەند ڕۆژی ڕابردوودا سێ بەنزینخانە سزادرن .

قائیمقامیەتی قەزای کۆیە ڕایگەیاند، لە ئەنجامی گەڕان و بەدواداچوون و  پشکنینەکانی لیژنەی سوتەمەنی قائیمقامیەتی قەزای کۆیە دوای ناردنی نمونەی بەنزین لە بەنزینخانەکانی  سنورەکە بۆ تاقیگەی ناوەندی و گەڕانەوەی ئەنجامەکان  بەهۆی خراپی کوالێتی بەنزینەکانیەوە، بەبڕ و شێوازی جیاواز سێ بەنزینخانانە سزادران،

ئەو بەنزینخانانەی سزادران بریتین لە بەنزینخانەی نوێنەر لە ناحیەی تەق تەق بەبڕی دوو ملیۆن دینار و (5)پێنج ڕۆژ داخستن.

بەنزینخانەی شارەکەم لە ناو شاری کۆیە بەبڕی یەک ملیۆن و حەوتسەد هەزار دینار و (5)پێنج ڕۆژ داخستن.

بەنزینخانەی برایان لە ناحیەی تەق تەق  بەبڕی یەک ملیۆن و سەد هەزار دینار و (3)سێ ڕۆژ داخستن.