پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
سەرۆكی هاوپەیمانی دەوڵەتی یاسا و باڵیۆزی ئەمەریكا لە عێراق، جەخت لە گرنگی پتەوكردنی پەیوەندییە دۆستایەتییەكانی نێوان ئەمەریكا و عێراق دەكەنەوە.
نووسینگەی راگەیاندنی سەرۆكی هاوپەیمانی دەوڵەتی یاسا راگەیەندراوێكی بڵاوكردەوەو تێیدا هاتووە: نووری مالیكی سەرۆكی هاوپەیمانی دەوڵەتی یاسا و ئەلینا رۆمانۆوسكی باڵیۆزی ئەمەریكا لە عێراق، لەبارەی داهاتووی پەیوەندییەكانی نێوان بەغدا و واشنتن و هاریكارییەكانی نێوانییان كۆبوونەوە.
وێڕای تیشكخستنەسەر ئاڵۆزییەكانی رۆژهەڵاتی ناوەڕاست و جەنگی غەززە و پێداگیری بەغدا بە كۆتاییهێنانی بەو جەنگە، مالیكی جەختی لەسەر كردنەوەی رێڕەوە مرۆییەكانی غەززە بەمەبەستی گەیاندنی هاوكارییەكان كردەوە.
سەرۆكی هاوپەیمانی دەوڵەتی یاسا دووپاتی گرنگی پتەوكردنی پەیوەندییەكان و هاریكارییەكانی نێوان بەغدا و واشنتن لەسەر بنەمای بەرژەوەندی هاوبەشی نێوان هەردوو گەلی ئەمەریكا و عێراق كردەوە.
هەروەها مالیكی لە كۆبوونەوەكەی لەگەڵ رۆمانۆوسكی ئاماژەی بە گرنگی كۆتاییهێنان بە ئاڵۆزییەكانی فەڵەستین، لوبنان، دەریای سوور، سووریا و عێراق كردەوە.
لەلایەن خۆشییەوە باڵیۆزی ئەمەریكا لە عێراق ئامادەیی وڵاتەكەی بۆ پاڵپشتی لە سەقامگیری عێراق نیشاندا.