پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
رێبوار تەها سەرۆكی لیستی كەركوك هێزو ئیرادەمانە، دوای راگەیاندنی ئەنجامی فەرمی بەرایی هەڵبژاردنی ئەنجومەنی پارێزگاكان، پەیامێكی بڵاوكردەوە و رایگەیاند: كەركوكییە ئازیزەكان.. بەشداری كاراتان لە هەڵبژاردنی ئەنجومەنی پارێزگای كەركوك، شانازییەكی گەورەیە و لە مێژووی گەلەكەمان بۆ هەمیشە درەوشاوەیی دەمێنیتەوە.
رێبوار تەها لە پەیامەكەیدا دەڵێت: خەڵكی خۆڕاگر و بەئەمەكی كەركوك.. سەرەتا دەمەوێت لە ناخی دڵەوە سوپاسی یەك بەیەكتان بكەم بۆ هاوكاری و پشتیوانیتان لە سەرخستنی لیستەكەتان، لیستی (142).
رێبوار تەها دەشڵێت، كەركوكییە ئازیزەكان.. بەشداری كاراتان لە هەڵبژاردنی ئەنجومەنی پارێزگای كەركوك، شانازییەكی گەورەیە و لە مێژووی گەلەكەمان بۆ هەمیشە درەوشاوەیی دەمێنیتەوە.
ئاماژەی بەوەشكردوە، دەنگ و ئیرادەی ئێوە ئەو راستییەی سەلماند كە هەمیشە دەنگ و ئیرادەی گەل لە دەسەڵاتی ستەمكاران بەرزترە، بۆیە ئەمڕۆ رۆژێكی نوێ و سەرەتایەكی نوێیە بۆ كۆتایی هێنان بە زوڵم و ستەمكاری كە ساڵانێكە رووبەڕووی نەتەوەكەمان بووەتەوە لە شارە خۆشەویستەكەمان.
ئەوەشی خستەڕوو، لێرەشەوە ئەوە بە بیر هەمووان دەهێنینەوە كەركوك بە پێكەوەژیان و رەنگە جیاوازەكانییەوە ناسراو و جوانە، بۆیە هیچ دەرفەتێكی دیكەمان نییە جگە لە پێكەوەكاركردن و پێكەوەهەڵكردن، هەروەك خودای گەورە دەفەرموێت: (ۆجَعَلْنَاكُمْ شُعُوبًا ۆقَبَائِڵ لِتَعَارَفُوا.. إِنَّ أَكْرَمَكُمْ عِندَ اللَّهِ أَتْقَاكُمْ).
ئاماژەی بەوەشكرد، هاوكات بەڵێن دووپاتدەكەینەوە كە ئەرك و قۆناغی داهاتوومان، كاری جددی دەبێت بە ئاراستەی هێنانەئاراوەی حوكمڕانییەكی باش و دادپەروەر.
لەكۆتایی پەیامەكەیدا رێبوار تەها جەختی كردەوە، دڵنیاشتان دەكەمەوە هەموو كات داكۆكیكارێكی سەر سەختی مافە رەواكانتان دەبین و كاری بێوەچان دەكەین بۆ خزمەتكردنی خەڵك و چاكەی گشتی.
كەركوكییە ئازیزەكان.. ئێوە سمبوولی خۆڕاگرین.
ئێوارەی رۆژی سێشەممە 19-12-2023 كۆمسیۆنی باڵای سەربەخۆی هەڵبژاردنەكانی عیراق رایگەیاند: ئەنجامی94.4% ی دەنگەكان رادەگەیەنین كە ئەنجامی 36 هەزار وێستگەی دەنگدانە، كە 16 ملیۆن و 877 هەزار كەس كارتی بایۆمەتریان هەبووە و هەروەها دوو هەزار وێستگەی دەنگدانیش كە سكاڵایان لەسەرە وردبینی دەكرێن.
سەبارەت بە پارێزگای كەركوكیش كۆمسیۆن ئاماژەی بەوەدا:هاوپەیمانی كەركوك هێز و ئیرادەمانە ژمارە 142 زۆرترین دەنگی بەدەستهێناوە كە 139 هەزار و 373 دەنگە.