ئەنجامە بەراییەکان؛ لیستەکەی مالیکی یەکەم و هادی عامری دووەمی هەڵبژاردنەکانە

پۆڵەتیک پرێس:

بەپێی ئەو ئەنجامە بەراییانەی لەلایەن کۆمسیۆنی باڵای سەربەخۆی هەڵبژاردنەکانی عێراقەوە بڵاوکراوەتەوە، هاوپەیمانییەتی دەوڵەتی یاسا کە نوری مالیکی سەرۆکایەتی دەکات، زۆرینەی کورسییەکانی ئەنجوومەنی پارێزگاکانی عێراقی بردووەتەوە و لە ریزبەندی پێشەوەیە.

لەکۆی ئەنجامی بەرایی شەش پارێزگای ناوەڕاست و خوارووی عێراق، هاوپەیمانیی دەوڵەتی یاسا بە سەرۆکایەتیی نوری مالیکی توانیوویەتی 40 کورسی بەدەستبهێنێت، لەدوای ئەویش هاوپەیمانی نەبنی، بەسەرۆکایەتی هادی عامری کە زۆرینەی هێزەکانی حەشدی شەعبی لەخۆدەگرێت توانیوویەتی 30 کورسی بەدەستبهێنێت.

بڕیارە ئەمڕۆ چوارشەممە 19ـی کانوونی یەکەمی 2023، کۆمسیۆنی باڵای سەربەخۆی هەڵبژاردنەکان ئەنجامە بەراییە فەرمییەکان بڵاوبکاتەوە.