پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
حكومەتی هەرێم ئەركی چارەسەركردنی ژمارەیەك تووشبووی تالاسیمیای لە ئەستۆگرت، كە بڕیارە لە دەرەوەی وڵات چاندنی مۆخیان بۆ بكرێت.
فەرمانگەی میدیا و زانیاری لە راگەیەندراوێكدا بڵاویكردەوە، لەسەر ئەركی حكومەتی هەرێم 100 توشبووی تالاسیمای هەرێم لە دەرەوەی وڵات چاندنی مۆخیان بۆ دەكرێت.
ئەوەشی خستووەتەڕوو، ئەو توشبووانەی تالاسیما لە هەردوو وڵاتی توركیا و ئوردن چارەسەریان بۆ دەكرێت و بۆ ئەو مەبەستەش، وەزارەتی تەندروستی هەرێم و فەرمانگەی پەیوەندییەكانی دەرەوەی هەرێم راسپێردراون رێوشوێنی پێویست بگرنەبەر.
فەرمانگەی میدیا و زانیاری هەرێم راشیگەیاندووە، حكومەتی هەرێم بارودۆخی تەندروستی توشبووانی تالاسیمیا لە سەرانسەری هەرێم دەكاتە بنەما بۆ ڕیزبەندی كردنیان بە مەبەستی چارەسەركردنیان لە دەرەوەی وڵات.