پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
بەڕێوەبەرایەتی گشتی تەندروستی سلێمانی بڵاویكردەوە، بڕیارە شوێنێكی تایبەت لە نەخۆشخانەی سۆزی دەروونی بكرێتەوە، كە تایبەتە بەو كەسانەی نەخۆشی دەروونیان هەیە و بێسەرپەرشت و بێلانەن.
بەڕێوەبەرایەتی گشتی تەندروستی سلێمانی ئاماژە بەوەدەدات، (دكتۆر صباح نصرالدین) بەڕێوەبەری گشتی تەندروستی سلێمانی و (كوێستان محەمەد) وەزیری كار و كاروباری كۆمەڵایەتی، ئەمڕۆ سەردانی نەخۆشخانەی سۆزی دەرونیان كرد، بۆ بەسەركردنەوە و لەنزیكەوە ئاگاداربوون بوو لە پرۆژەی دابینكردنی شوێنێك بۆ ئەو ژنانەی نەخۆشی دەروونیان هەیە و بێلانە و بێسەپەرشتن بۆ ئەوەی لەنەخۆشخانەی سۆزی دەروونی لەژێر چاودێریدا بمێننەوە.
ئەوەشهاتووە، لێپرسراوانی وەزارەتی كاروكاروباری كۆمەڵایەتی و تەندروستی سلێمانی بە وردی گفتوگۆی چڕوپڕیان ئەنجام دا لەبارەی چۆنیەتی ئەنجامدانی ئەو پرۆژەیە لەناو ئەو نەخۆشخانەیە بۆئەوەی دەست بكرێت بە جێبەجێكردنی بەم نزیكانە.