جۆبایدن: دەبێت ئاشتی بەرقەراربكەین

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

سەرۆكی ئەمریكا دەڵێت، دەبێت كار بۆ بەرپاكردنی ئاشتی و ئایندەیەكی باشتر بكەین.

جۆبایدن سەرۆكی ویلایەتە یەكگرتووەكانی ئەمریكا لەكۆبونەوەی كۆمەڵەی گشتی نەتەوە یەكگرتووەكان رایگەیاند: نەتەوەیەكگرتووەكان بۆ دروستكردنی جیهانێكی باشتر دروستكراوە و دەبێت كار بۆ بەرقەراركردنی ئاشتی و ئایندەیەكی باشتر بكەین.

هاوكات ئاماژەی بەوەشدا، دەمانەوێت هاوكاری هەموو وڵاتانی جیهان بكەین و دەبێت هەموومان هەوڵبدەین نەوەكانمان لە هەژاری بپارێزین.

جۆبایدن باسی لەوەشكرد، ئاژانسە نێودەوڵەتییەكان دەبێت پشتیوانی زیاتری وڵاتانی هەژار بكەن، چونكە داهاتووی هەموو وڵاتانی جیهان بەیەكەوە بەستراوە.

وتیشی: ئاستەنگ زۆر دێتە بەردەم نەتەوەیەكگرتووەكان و پێویستە چاكسازی لەدامەزراوەكانی نەتەوە یەكگرتووەكاندا بكرێت.

سەرۆكی ویلایەتە یەكگرتووەكانی ئەمریكا سەبارەت بە پرسی كەش و هەوا هۆشداری داو ئەوەی خستەڕوو، مەترسییەكانی قەیرانی گۆڕانی كەش و هەوا بۆسەر هەمووجیهان زۆرن و بۆ رووبەرووبونەوەی گۆڕانی كەش و هەوا پێویستمان بەهاوكاری وڵاتی چین دەبێت.