عێراق لەگەڵ سێ وڵاتی دیکە گفتوگۆکانیان لەبارەی رێگای پەرەپێدان چڕ دەکەنەوە

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

وەزیری دەرەوەی تورکیا ڕایگەیاند، عێراق لەگەڵ ئیمارات، قەتەر و تورکیا لەبارەی پڕۆژەی ڕێگای پەرەپێدانی عێراقی-تورکی، گفتوگۆکانیان چڕ کردووەتەوە.

هاکان فیدان، وەزیری دەرەوەی تورکیا ئاشکرایکرد، عێراق لەگەڵ ئیمارات، قەتەر و تورکیا گفتوگۆی جی لەبارەی پڕۆژەی ڕێگای پەرەپێدانی عێراقی-تورکی دەکەن.

ئاماژەی بەوەکرد، لەدوای گۆڕانکارییە جیۆسیاسییەکانی ئەم ساڵانەی دوایی وەک، پەتای کۆرۆنا، جەنگی ڕوسیا و ئۆکرانیا، کێبڕکێکانی نێوان ویلایەتە یەکگرتووەکان و ڕۆژئاوا و چین، ڕێگای نوێی بازرگانی گرنگییەکی زۆری هەیە.

جەختیکردەوە، جارێکی دیکە دەستیان بە باس کردن لە ڕێگا بازرگانییەکانی دیکە کردووەتەوە، کە پێشتر لەڕووی تیۆرییەوە تاوتوێکراون.