پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
ئەمڕۆ چوارشەممە 9ی ئاب، بەڕێوەبەری گشتی بازرگانی ڕایگەیاند، بەغدا بڕی پەنجا و هەشت ملیار دیناری دیکەی شایستەی دارایی جوتیاران خرایە سەر هەژماری وەزارەتی بازرگانی و پیشەسازی.
نەوزاد شێخ کامیل، بەڕێوەبەری گشتی بازرگانی ئاشکرایکرد، بڕی 58 ملیار دیناری دیکەی شایستەی دارایی جوتیاران خرایە سەر هەژماری وەزارەتی بازارگانی و پیشەسازی، کە بریتیە لەشایستەی دارایی جوتیاران بۆ ساڵی 2023.
ئاماژەی بەوەکرد، بڕی پارەکە بەمشێوەی لای خوارەوە بەسەر جوتیارانی پارێزگاکانی هەرێمدا دابەشدەکرێت:
سلێمانی/ 27 ملیار دینار
هەولێر/ 18 ملیار دینار
دهۆک/ 13 ملیاردینار
ڕوونیکردەوە، پاش تەواو بونی ڕێکارە کاگێڕی و داراییەکان بەپێی ڕۆژی ڕادەست کردنی گەنمەکەیان بەسایلۆکان، دەست بە دابەشکردنی دەکرێت.