پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
رووسیا رێككەوتننامەی تایبەت بە بەكارهێنانی دەریای ئازوف و گەرووی كێرچ لەگەڵ ئۆكرانیا هەڵدەوەشێنێتەوە.
ڤلادیمیر پوتن سەرۆكی رووسیا یاسای هەڵوەشاندنەوەی رێككەوتننامەی نێوان وڵاتەكەی و ئۆكرانیای دەربارەی بەكارهێنانی دەریای ئازوف و گەرووی كێرچ، واژوو كرد.
بەگوێرەی یاساكە كە بە واژووی پوتن لە سیستمی زانیاری یاسایی حكومەتی رووسیا، بڵاوكراوەتەوە، رێككەوتننامەی نێوان رووسیا و ئۆكرانیا دەربارەی بەكارهێنانی دەریای ئازوف و گەرووی كێرچ، هەڵوەشاوەتەوە.
رۆژی یەكی حوزەیران ئەنجوومەنی دوما و رۆژی حەوتی حوزەیران ئەنجوومەنی یەكێتی رووسیا، ئەم یاسایەی پەسەند كرد.
رێككەوتننامەی هەماهەنگی نێوان رووسیا و ئۆكرانیا تایبەت بە بەكارهێنانی دەریای ئازوف و گەرووی كێرچ، لە 24ی كانوونی یەكەمی 2003دا لە شاری كێرچی دوورگەی كریمیا واژوو كرابوو.