لە سلێمانی سەمونخانەیەک بەهۆی پابەندنەبوون بە مەرجەکانی تەندروستی داخرا

پۆڵەتیک پرێس:

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

قائیمقامیەتی سلێمانی ڕایگەیاند، بەهۆی پابەندنەبون بەمەرج و رێنماییەکانی تەندروستی و سەلامەتی فڕنی ئەسحابەسپی داخرا.

ئەمڕۆ هەینی قائیمقامیەتی سلێمانی لە ڕاگەیەندراوێکدا ئاماژەی بەوەکرد، بەهۆی پابەندنەبون بەمەرج و رێنماییەکانی تەندروستی و هەبونی پاشەڕۆی قرتێنەرەکان لەشوێنەکەیدا، هەروەها سەرپێچیکردن لە رێنماییەکانی بەرگری شارستانی، بەفەرمانی قائیمقامی سلێمانی و لەلایەن لیژنە هاوبەشەکانەوە دەستبەجێ فڕنی ئەسحابەسپی لە گوزەری ئەسحابەسپی داخرا و خاوەنەکەشی روبەڕوی رێکاری یاسایی دەکرێتەوە.

ڕۆژانە لیژنەکانی قائیمقامیەتی سلێمانی دوکان و بازاڕ و شوێنکارەکان لە تەواوی شاری سلێمانی بەسەردەکەنەوە و بەدواداچوون بۆ تەندروستی و سەلامەتی شوێنەکان دەکەن، ڕۆژانەش بەهۆی سەرپێچییەوە چەندین شوێن دادەخەن.