پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
لە شاری هەولێر، لە كۆنگرەیەكی رۆژنامەوانی هاوبەشدا لەگەڵ عۆن زیاب عەبدوڵا وەزیری كشتوكاڵ و سەرچاوەكانی ئاوی عێراق ، بێگەرد تاڵەبانی وەزیری كشتوكاڵ و سەرچاوەكانی ئاوی حكومەتی هەرێم رایگەیاند، بابەتی ئاو بۆ هەرێمی كوردستان گرنگی تایبەتی خۆی هەیە، بەهۆی ئەو گۆرانكارییانەی لە رووی كەشوهەوا لە عێراق و هەرێمی كوردستان روویانداوە.
وتیشی: لە دوو كۆبوونەوەماندا هەڵوەستمان لەسەر دوو خاڵێكی گرنگ كرد، ئەویش دروستكردنی چوار بەنداوی ستراتیژیی لە هەرێم كە پێكدێن لە بەنداوەكانی ( مەنداوە ، باكرمان ، دەڵگە ،تەق تەق) و نۆژەنكردنەوەی هەرسێ بەنداوی دوكان و دەربەندیخان و دهۆك.
بێگەرد تاڵەبانی راشیگەیاند، داوامان كردووە لیژنەی هاوبەش لە نێوان هەردوولا هەبێت دەربارەی ئەو یاسایانەی كە بۆ دامەزراندنی ئەنجومەنی باڵای ئاو لەعێراق دروست دەكرێن.