پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
ئەلینا ڕۆمانۆوسکی، باڵیۆزی ئەمریکا لە عێراق ڕایگەیاند، کۆمپانیا ئەمریکییەکان ئامادەن وەبەرهێنانیان لە عێراق زیادبکەن بەتایبەتی لەبواری وزەدا.
لەمیانی دووەمین کۆڕبەندی نەوت و غاز کە لە بەغدا بەڕێوەدەچێت، ئەلینا ڕۆمانۆوسکی ئاماژەی بەوەکرد، تێکڕای بەرهەمهێنانی کارەبا لە ناوچەکە بەڕێژەی %25 زیادیکردووە، جەختی لەوەش کردەوە، سودوەرگرتن لە کەرتی وزە بابەتێکی زۆر گرنگە.
باسی لەوەش کرد، ئەو کۆمپانیایانەی لەگەڵ عێراقدا کاردەکەن پێویستە لەکاتی خۆیدا شایستە داراییەکانیان بەدەست بگات و گرێبەستەکان بەشێوەیەکی باش واژۆبکرێن چ لەناوەوەی وڵات چ لە دەرەوە، چونکە ئەم ڕێکارانە دەبنەهۆی ئاسانکردنی وەبەرهێنان لە عێراق.
جەختی لەوەش کردەوە، عێراق لەپێناو پتەوکردنی لایەنی ئاسایشی دەبێت بەم کارانە هەستێت تا کۆمپانیاکان بێنە ناو خاکەکەی و لە کەشێکی هێمندا جۆرە وەبەرهێنانێک بکەن کە خزمەت بە عێراقییەکان بکات.
سەرلەنوێ ئەوەی خستەوەڕوو کە دەبێت عێراق بیر لە هەمەجۆرکردنی ئابووری و سەرچاوەکانی داهاتی بکاتەوە لەپێناو بەرفراوانکردنی قەبارەی وەبەرهێنان.