وەزارەتی پێشمەرگە ئۆپەراسیۆنێكی ئەنجامدا

پۆڵەتیك پرێس

لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress

وەزارەتی پێشمەرگە ئۆپەراسیۆنێكی سەربازی لە ناوچەی قەرە حەسەن لە سنووری پارێزگای كەركوك ئەنجامدا، كە داعش وەك رێڕەوی هاتووچۆ و مانەوە، بەكاریدەهێنا.

وەزارەتی پێشمەرگەی حكومەتی هەرێمی كوردستان، رۆژی سێشەممە 13_9_2022، راگەیەندراوێكی بڵاوكردەوە، تێیدا هاتووە لە میحوەری چواری هێزەكانی پێشمەرگە، ئۆپەراسیۆنێكیان لە سنووری ناوچەی قەرە حەسەن بۆ گوندەكانی جەوەڵ بۆر، ئاخور گورجی و ئەو ناوچانەی كە گومان دەكرا تیرۆریستانی داعش وەك رێڕەوی هاتووچۆ و مانەوەیان بەكاریان دەهێنا، ئەنجامدا.

ئەوەشهاتووە، ئۆپەراسیۆنەكە، لە چوار قۆڵەوە ئەنجامدراوە و ماوەی شەش كاتژمێر بەردەوامبووە، یەكەكانی لیوای 22ـی پیادە تێیدا بەشداربوون.
ئەم ئۆپەراسیۆنە، دوای ئەوە دێت، لە كۆتایی مانگی ئابدا داعش دوو هاووڵاتی كوردی خەڵكی ناوچەكەیان شەهیدكرد.