پۆڵەتیک پرێس:
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
بەیانی ئەمڕۆ سێشەممە ئەنجومەنی باڵای دادوەری و دادگای باڵای فیدڕاڵیی کۆبوونەوە و بڕیاریاندا کارەکانیان هەڵپەسێرن.
لە بەیاننامەیەکدا دەسەڵاتی دادوەری عێراق ئاماژەی بەوەکرد، بەهۆی فشاری لایەنگرانی ڕەوتی سەدرەوە کە داوای هەڵوەشاندنەوەی پەرلەمان دەکەن و فشار دەخەنەسەر دادگای فیدڕاڵی بڕیاردەربکات بۆ هەڵوەشاندنەوەی پەرلەمان و بەردەوام نامەی هەڕەشەئامێز دەنێرن، بڕیارماندا کارەکانی ئەنجومەنی باڵای دادوەری و دادگاکانی سەربە ئەنجومەن و دادگای باڵای فیدڕاڵی هەڵپەسێرین.
ئەوەشی خستەڕوو، ئەم بڕیارەشمان وەک ناڕەزایەتییەک دژی ئەو مامەڵە نادەستوریی و دژبەیاسایانەی خۆپیشاندەرانە و بەرپرسیارێتی یاساییش لەسەر شانی حکومەت و لایەنی سیاسی پشت خۆپیشاندانەکانە.