لەسەر راسپاردەی قوباد تاڵەبانی كێشەی ئاوی چەمچەماڵ چارەسەركرا

پۆڵەتیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

لەسەر راسپادەی قوباد تاڵەبانی جێگری سەرۆكی حكومەت كێشەی كەمئاوی لە قەزای چەمچەماڵ و هەردوو ناحیەی شۆڕش و تەكیە چارەسەركرا.

سەرچاوەیەك لە قائیمقامیەتی چەمچەماڵ بە پۆڵەتیك پرێسی راگەیاند: لەسەر راسپاردەی قوباد تاڵەبانی جێگری سەرۆكی حكومەت و لەلایەن وەزارەتی سامانە سرووشتییەكان و كۆمپانیای دانە غاز بڕیاردراوە رۆژانە دوو ملیۆن لیتر ئاو دابین دەكرێت بۆ قەزای چەمچەماڵ و دەوروبەری كە یەك ملیۆن لیتری بۆ چەمچەماڵە، 750 هەزار لیتر بۆ ناحیەی شۆڕش و 250 هەزار لیتر بۆ ناحیەی تەكیە دەبێت و بە تانكەر دابین دەكرێت.

وتیشی: دابەشكردنەكە دراوە بە كۆمپانیایەك و رۆژانە لیژنەیەك لە بەڕێوەبەرایەتی ئاوو قائیمقامیەتی چەمچەماڵ سەرپەرشتی دابەشكردنی ئاوەكە دەكەن.

باسی لەوەشكرد، لە ئەمڕۆ دووشەممەوە دەست بە دابەشكردنی ئاو بەسەر ماڵاندا كرا.