هواوی مۆبایلێکی نوێ دەخاتە بازاڕەوە

پۆڵەتیک پرێس

کۆمپانیای هواوی بڕیارە بەمزوانە مۆبایلە نوێیەکەی هواوی نۆڤا وای70 پڵەس بەتایبەتمەندیەکی زۆر بخاتە بازاڕەوە.

مۆبایلی هواوی نۆڤا وای70 پڵەس کێشەکەی 199 گرامە، شاشەکەی لەجۆری ئای پی ئێس ئێڵ سی دیە بەقەبارەی 6.57 ئینج و دیقەی پیشاندانی2388/1080 پێکسڵ و شەپۆلی 90 هێرتز، چارەسەرکەری کوالکۆم ئێس ئێم6225 سناپ دراگۆن680 فۆڕ جی و چارەسەرکەری وێنەی ئەدرینۆ610ی تێدابەکارهاتووە.

مۆبایلەکە سێ کامێرای بنەڕەتی لەبەشی پشتەوە بەدیقەی(48+5+2) مێگاپێکسڵ هەیە، دیقەی کامێرا سێڵفیەکەی هەشت مێگاپێکسڵە، ڕامەکەی چوار گێگابایتە، میمۆریەکەی 128 گێگابایتە، بەسیستمی ئەندرۆید12 کاردەکات، دەرچەی بیستۆکەکەی 3.5 ملیمە، خێرای پاتریەکەی 6000 میلی ئەمپێرە.