لەسەر سوتانی بارەگای پارتی چەند بەرپرسێکی عێراق لێکۆڵینەوەیان لەگەڵ دەکرێت

پۆڵەتیک پرێس:

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

سەرچاوەیەکی ئاگادار ڕایگەیاند، فەرماندەی فیرقەی 1ی پۆلیسی فیدڕاڵی لە پۆستەکەی دوورخراوەتەوە و لەگەڵ ژمارەیەک بەرپرسی دیکەی عێراق بەهۆی کەمتەرخەمیانەوە لێكۆڵینەوەیان لەگەڵ دەکرێت کە بووەهۆی سوتاندنی بارەگای پارتی لە بەغدا.

لایخۆیەوە مستەفا کازمی، سەرۆک وەزیرانی عێراق و فەرماندەی گشتی هێزە چەکدارەکانی عێراق فەرمانی دەرکرد بۆ دەستبەسەرکردنی ئەو بەرپرسانەی لە ئەرک و کارەکانیان کەمتەرخەم بوون.

شەوی ڕابردوو نایف کوردستانی کە ڕاوێژکاری بارەگای بارزانیە و وەک چاودێری سیاسی خۆی ناساندووە، دژی عەلی سیستانی مەرجەعی باڵای شیعەکان تویتێکی کرد و دوابەدوای تویتەکە لایەنگرانی مەرجەعیەت بارەگای پارتییان لە بەغدا گەماڕۆدا و سوتاندیان”.