ئەو خواردنانەی یارمەتی تەندروستی مێشک دەدەن

پۆڵەتیک پرێس

خواردن و خواردنەوە تەندروستەکان سوودێکی زۆر بە تەندروستی مێشک دەگەیەنن و کردارەکانی چالاکتر دەکەن، لەگەڵ ئەوەشدا ئەگەری توشبوون بە نەخۆشیەکان کەم دەکەنەوە.

زانایانی پزیشکی مێشک دەڵێن: بەکارهێنانی زەیتی زەیتون و بادەم سوودێکی زۆری بۆ تەندروستی مێشک هەیە و ڕێگری لە تێکچونەکانی مێشک دەکەن، هەروەها ڕێگری لە توشبوون بە زەهایمەر دەکەن، زانایان باس لەوەش دەکەن بەرزبونەوەی ڕێژەی شەکر لە خوێندا کاریگەری خراپی لەسەر چالاکی مێشک دەبێت.

خواردنی دانەوێڵە، سەوزەواتەکان، توو یان شاتوو، زەردەچەوە دەوڵەمەندن بە دژەئۆکسانەکان، لەگەڵ ئەوەشدا ماسیە چەور و چەرەساتەکان ڕێژەیەکی زۆر ئۆمێگا سێیان تێدایە، هەموویان سوودێکی زۆری تەندروستیان هەیە، زانایان ئامۆژگاری دەکەن بە خواردنی شوکولاتەی ڕەشیش چونکە یارمەتی خانەکانی مێشک و زیادکردنی ڕێژەی زینک، مەگنسیۆم و ڕیشاڵەکان دەدات، ئەو خواردنەوانەش کە دەوڵەمەندن بە کافایین کردارەکانی مێشک چالاکتر دەکەن.