پۆڵەتیک پرێس
کۆمسیۆنی باڵای سەربەخۆی هەڵبژاردنەکان جەختی لەوەکردەوە، ئەوە وادەیەی بۆ ئەنجامدانی هەڵبژاردنی پەرلەمان دیاریکراوە وادەی کۆتاییە.
ڕۆژی یەکشەممە کۆمسیۆنی هەڵبژاردنەکان دووپاتیکردەوە، پابەندە بە ئەنجامدانی هەڵبژاردنێکی پاک و دادپەروەرانە و بێساختەکاری بەجۆرێک ڕەزامەندی دەنگدەران و کۆمەڵگای نێودەوڵەتی بەدەستبهێنێت.
هاوکات لەگەڵ بەردەوامی تۆمارکردنی ناوی پارت و ڕێکخراوە سیاسییەکان کۆمسیۆن ئاماژەی بەوەکرد، مۆڵەتی دامەزراندن دراوەبە 253 پارتی سیاسی و 118 پارت خواستی خۆیان بۆ بەشداریکردن لە هەڵبژاردنی پێشوەختە دەربڕیوە.
ئەوەش هاتووە، لەکۆی 32 هاوپەیمانێتی سیاسی مۆڵەتپێدراو و 12 هاوپەیمانێتی کە لە قۆناغی تۆمارکردندان، 11 هاوپەیمانێتی خواستی خۆیان بۆ بەشداریکردن لە هەڵبژاردنەکان دەربڕیوە.
بڕیارە 10ی تشرینی یەکەمی ئەمساڵ هەڵبژاردنی پێشوەختەی پەرلەمانی عێراق بەڕێوەبچێت.