پۆڵەتیك پرێس
دواین چەندین خۆپیشاندان و گردبوونەوەی ناڕەزایی دواجار وەزارەتی پەروەردەی هەرێم بڕیاریدا مامۆستایانی خوێندنی كوردی كەركوك راژەكانیان بگوازنەوە بۆ سەر حكومەتی عێراقی.
لیژنەی بەرگری لە مافی مامۆستایان و فەرمانبەرانی خوێندنی كوردی لەكەركوك ئەمڕۆ لە كۆنگرەیەكی رۆژنامەوانیدا رایگەیاند، لەكۆبوونەوەیاندا لەگەڵ وەزیری پەروەردەی حكومەتی هەرێم رەزامەندا بەشێوەیەكی ئارەزومەندانە راژەی مامۆستایان و فەرمانبەران بگوازرێتەوە بۆ سەر حكومەتی عێراقی.
ئەوەشخراوەتەڕوو، دوای بڕیارەكەی وەزیری پەروەردەی هەرێم زیاتر لە سێ هەزار فەرمانبەر و مامۆستای كەركوك فۆرمیان پڕكردووەتەوەو داوای گواستنەوەی راژەكانیان كردووە بۆ سەر حكومەتی عێراقی.
ئەوەش لەكاتێكدایە، لەماوەی رابردودا بەهۆی دواكەوتن و لێبڕین و پاشەكەوتكردنی مووچەكانیانەوە بەشێك لە مامۆستایانی خوێندنی كوردی لە كەركوك خۆپیشاندانیان ئەنجامداو داوایان دەكرد راژەكانیان لەحكومەتی هەرێمەوە بۆ سەر حكومەتی عێراق بگوازرێتەوە.